Kur pritet të zgjidhet Kryepeshkopi i ri i Kishës Ortodokse Autoqefale

Sinodi i Shenjtë i Kishës Ortodokse Autoqefale të Shqipërisë ka njoftuar se zgjedhja e Kryepeshkopit të ri të Tiranës, Durrësit dhe gjithë Shqipërisë do të zhvillohet më 16 mars 2025, në Dielën e Dytë të Kreshmës. Ky pasardhës do të zëvendësojë Kryepeshkopin e ndjerë Anastasin, i cili ringriti dhe udhëhoqi Kishën Ortodokse të Shqipërisë pas rënies së komunizmit.

Zgjedhja do të realizohet në Qendrën Sinodike, pas Liturgjisë Hyjnore, dhe do të ndjekë me rigorozitet dispozitat e Statutit të Kishës Ortodokse Autoqefale të Shqipërisë. Ky proces ka për qëllim të sigurojë një vazhdimësi të fortë dhe të qëndrueshme në drejtimin shpirtëror dhe administrativ të Kishës.

Kjo ngjarje e rëndësishme do të shënojë një hap të ri për Kishën Ortodokse Autoqefale të Shqipërisë, pas humbjes së Kryepiskopit Anastasi, dhe do të shërbejë për të përcaktuar udhëheqjen shpirtërore të besimtarëve të besimit ortodoks në vend.

LEXONI GJITHASHTU:

• Rama dhe Mitsotakis takim “kokë më kokë” pas varrimit të Anastas Janullatos
• Hapet testamenti i Anastas Janullatos, kush i trashëgon depozitat e tij financiare