Kurimi i kancerit me nanogrimca, shkenca mjekësore mund të arrijë momentin historik

Një trajtim inovativ po hap perspektiva të reja në luftën kundër kancerit, duke synuar të zvogëlojë efektet anësore të terapive të mëparshme si kimioterapia dhe radioterapia. Projekt ULISES, pjesë e programit Horizon të BE-së, është në krye të kësaj përpjekjeje me zhvillimin e nanogrimcave që transportojnë material gjenetik në qelizat kancerogjene.

Kjo teknologji synon që sistemi imunitar të sulmojë tumorët, duke aktivizuar një përgjigje imune specifike dhe reduktuar efektet anësore të terapive konvencionale.

Nanogrimcat e përdorura në këtë trajtim janë të ngjashme me ato të përdorura për vaksinën kundër Covid-19, duke treguar siguri dhe efikasitet në transportimin e materialit gjenetik në qelizat e tumorit.

Laura, një pacient 33-vjeçare nga Valencia, e cila është nën trajtimin e kësaj teknologjie pas një historie të gjatë me kimioterapi dhe radioterapi, tregon për ndryshimet e ndjeshme në jetën e saj gjatë trajtimit të ri.

“Nga mënyra se si e shoh veten si person deri tek mënyra se si i trajtoj gjërat, asgjë nuk është si më parë,” thotë ajo për Euronews. “Duket sikur jam një person krejtësisht tjetër. Nuk jam më unë, jam një version tjetër i vetes”, tha Laura.