Gazetari Vullnet Krasniqi deklaroi se Presidentja e Kosovës, Vjosa Osmani u përpoq ta mbajë të fshehtë faktin, që iu nënshtrua një ndërhyrjeje kirurgjikale në një spital privat.

Në një intervistë për Euronews Albania, Krasniqi u shpreh se Presidenca reagoi pas lajmi foli fillimisht në media.

Sipas tij, ndërhyrja kirurgjikale ishte tepër e lehtë dhe mund të kryhej nga çdo doktor në Kosovë në spitalet shtetërore.

“Të gjitha informacionet zyrtare nga Presidenca, kanë dali pasi doli lajmi që Presidentja është kuruar në një spital privat. Më vonë ka pasur një reagim zyrtar. Tani ka pasur detaje të reja që kanë dalë.

Kur gazetarët kanë pyetur se përse në një spital privat, Zyra për Media e Presidencës ka deklaruar se aty punon xhaxhai i Presidentes, që është mjek dhe ka drejtuar operacionin në vazhdimësi. Ai është një operim tepër i lehtë që mund të kryhet nga çdo doktor në Kosovë”, theksoi ai.

LEXONI GJITHASHTU

• Vjosa Osmani del nga spitali, si është gjendja e saj
• Presidentja Osmani iu nënshtrua një ndërhyrje kirurgjikale

• Dhuna ndaj të moshuarës në Pejë, reagon Osmani: E patolerueshme