Presidentja e Kosovës Vjosa Osmani, ka dalë nga spitali të premten mbrëma me rekomandimin e mjekëve.

Ajo është në gjendje shumë të mirë shëndetësore.

Lajmin e ka bërë të ditur këshilltari i saj për media, Bekim Kupina, i cili ka thënë se ajo po e vazhdon terapinë në banesën e saj prej nga po i kryen detyrat dhe përgjegjësitë e presidentes.

Osmani është shtruar në një spital privat në fillim të muajit nëntor dhe ka kryer një ndërhyrje të lehtë kirurgjikale (heqja e tëmthit), i cili është realizuar me sukses, raporton KosovaPress.

Bazuar në vlerësimin dhe vullnetin e saj, më 2 nëntor, presidentja Osmani kishte bërë bartjen e përkohshme të përgjegjësive të presidentes së republikës tek kryetari i Kuvendit të Republikës së Kosovës, Glauk Konjufca.

LEXONI GJITHASHTU:

• Vjosa Osmani tregoi çfarë diskutoi me Escobar-in
• Rikthim i Vjosa Osmanit në LDK? Berisha: S’ka lidhje me idetë e Rugovës