Kurti merr pjesë në Kongresin e Partisë së Socialistëve Evropianë

Kryeministri i Kosovës, Albin Kurti ka udhëtuar për në Berlin të Gjermanisë për të marrë pjesë në Kongresin e Partisë së Socialistëve Evropianë.

I organizuar me mbështetjen e SPD-së gjermane, ky kongres do të mirëpresë krerë të shteteve dhe qeverive, komisionerë evropianë, udhëheqës të partive dhe përfaqësues të tjerë, njoftojnë nga zyra e kryeministrit.

Bëhet e ditur se me moton “Me guxim për Evropën” do të diskutohet për politikat për të adresuar ndryshimet e thella në sigurinë ndërkombëtare, rritjen e çmimeve të energjisë dhe inflacionin, krizën e shkaktuar nga Covid, ndryshimet klimatike dhe sfidat sociale.

Disa ditë më parë, qarkulloi në media një e-mail ku pretendohet se Partia Socialiste Europiane, i ka ndaluar Ilir Metës pjesëmarrjen në kongresin që pritet të zhvillohet në Berlin në mes të muajit tetor.

Ky lajm është mohuar nga ish-presidenti, ku nuk kanë munguar edhe akuzat ndaj qeverisë.

LEXONI GJITHASHTU:

• FOTO | Metës i ndalohet pjesëmarrja në Kongresin e PES-it? E-maili që qarkulloi
• Partia e Lirisë: Meta s’është ndaluar për Kongresin e Partisë Socialiste Europiane
• 4 herë mbi mesataren, gjyqtarët dhe prokurorët e Shqipërisë më të paguarit në Europë