Kurti: Propozimi franko-gjerman i jep stabilitet një marrëveshjeje me Beogradin

Propozimi evropian për marrëveshje me Beogradin përfshin koncepte universale që e bëjnë marrëveshjen të qëndrueshme, por Beogradi nuk po dërgon sinjale se është i gatshëm ta pranojë atë, tha sot kryeministri i Kosovës, Albin Kurti.

Në një intervistë për Zërin e Amerikës, ai tha se mirëpret faktin që ka “koncepte universale si hyrje në atë propozim; integritet territorial, sovranitet, pavarësi, barazi, shtet ligjor, demokraci, vetëvendosje, kështu që të gjitha këto përmenden aty, dhe gjuha universale jo vetëm që kontribuon në parim, por i jep edhe qëndrueshmëri marrëveshjes”.

Kurti tha se propozimi franko-gjerman apo propozimi i Bashkimit Evropian mbështetet nga SHBA-të dhe është një bazë e mirë, por pas mbledhjes së Këshillit të Sigurisë Kombëtare në Beograd në fillim të nëntorit, ministri i Punëve të Jashtme Ivica Daçiç tha se Serbia e refuzon një propozim të tillë.

LEXONI GJITHASHTU:

• Kurti për tensionet në veri: Ka rrezik, nuk kam frikë, por jam i brengosur
• Trondit Meçe: Në fund të shkurtit ka arrestime e goditje të forta politike nga SPAK!