Kryeministri i Kosovës, Albin Kurti, së fundmi ka folur për tensionet në veri është shprehur se ka rrezik, por megjithatë kjo gjë nuk e frikëson.
Në një intervistë për Zërin e Amerikës, Kurti u shpreh se përderisa kemi të bëjmë me Serbinë e cila nuk është penduar për krimet që ka kryer në Kosovë, ka rrezik dhe në veri dhe kjo gjë e shqetëson.
“Po ka rrezik. Rrezik ka, sepse është Serbia. Jo sepse jam unë. Rrezik është sepse është Serbia në anën tjetër e cila nuk është penduar për krimet, nuk e ndryshon qëndrimin ndaj Kosovës dhe në vitin që porsa lamë pas i ka bërë tri marrëveshje shumë të rëndësishme me Rusinë. E para është ajo për blerjen e gazit më së liri në Evropë, e dyta është ajo për koordinim në politikën e jashtme ndërmjet (Nikola) Selakoviçit dhe (Sergey) Lavrovit në Neë York në margjinat e AP të OKB-së. Dhe e treta është që njeriun më prorus në Serbi, politikanin më prorus në Serbi, e barti shef të shërbimit sekret, Aleksandar Vulinin, përndryshe i njohur si zëvendëspresident i partisë së gruas së (Sllobodan) Millosheviçit.
Domethënë, unë nuk e di çka duhet të ndodhë më shumë që të kuptojmë se me çfarë Serbie kemi të bëjmë. Dhe në këtë situatë duhet të bëhemi bashkë kundër një Serbie të tillë që është më agresive dhe armiqësore se çdo herë më parë prej se kemi shpallë pavarësinë, në vend se të këqyrim të gjejmë papërsosuri brenda Kosovës së shumëvuajtur, që më në fund po ka zhvillim ekonomik dhe demokratik, pavarësisht mosnjohjes së Serbisë. Pra, ne duam njohje reciproke, por ndërkohë që nuk kemi njohje reciproke, ne duhet të zhvillohemi”.- tha ai.
LEXONI GJITHASHTU:
- Lufta në festivalin e dritave, automjetet e shkatërruara në qendër të Helsinkit
- Vrasja e 31-vjeçarit nga Kukësi, policia bastis lokalin e autorit
- Bumçi: 90% e strukturave të PD mbështesin Berishën, 10% fraksionin tjetër