Bumçi: 90% e strukturave të PD mbështesin Berishën, 10% fraksionin tjetër  

Anëtari i Këshillit Kombëtar të Partisë Demokratike, Aldo Bumçi tha në një intervistë për Euronews Albania se 90% e strukturave të PD mbështesin Berishën, 10% fraksionin tjetër të drejtuar nga Enkelejd Alibeaj.

Sipas Bumçit, kishte një projekt të qartë për të vrarë opozitën në Shqipëri, projekt që dështoi pasi opozita e tregoi forcën përmes protestave ku mblodhi mijëra mbështetës.

“Kur nisi foltorja ishin vetëm 4-5 deputetë që e mbështesnin. Sot mbi 90 për qind e strukturave mbështesin Berishën, përndryshe nuk mbushet bulevardi. Në gjykatë tashmë kemi një vendim në favor të grupit që drejtohet nga Berisha, që njeh vendimet e kuvendit të 11 dhjetorit. 10 për qindëshi që mbështet Alibeajt përbën një fraksion, janë demokratë si ne. Nuk janë dy fraksione, ka 1 parti dhe një fraksion”,  tha Bumçi.

LEXONI GJITHASHTU:

• Pse grupi i Alibeajt është aksi që mban në këmbë PD
• “2 PD dhe 2 RD”, përçarja e partisë prek edhe gazetën “Rilindja Demokratike”