Pse grupi i Alibeajt është aksi që mban në këmbë PD

Reldar Deda, kryeredaktor i gazetës “Liberale” tha në një intervistë për Euronews Albania, se pavarësisht nëse numri i simpatizantëve të PD që mbështet grupin e Alibeajt mund të jetë më i vogël se ai që mbështet Berishën, rëndësia e tyre për partinë është e madhe.

Sipas Dedës, kjo pjesë e mbështetësve janë i vetmi bosht që mban partinë brenda aksit, pasi përfaqësojnë atë pjesë të PD që njihet si e tillë nga SHBA dhe Britania e Madhe.

“Berisha dhe grupi i rithemelimit kanë shumicën e simpatizantëve, por mos harroni se ky 10 përqindshi i Alibeajt është i vetmi bosht që mban PD brenda aksit, sepse shumica që pretendojnë e kanë nxjerrë PD nga aksi. Qasja e këtij 10 përqindshi është e rëndësishme jo vetëm për PD por edhe shoqërinë shqiptare. Tensionet e krijuara nuk dhanë asnjë mesazh tjetër veç faktit që PD si forcë evropiane që nuk mund të dalë jashtë këtij boshti, mendoj se klasa politike e të djathtës duhet të mendojë ta fusë PD në korsinë e zhvillimit. Nuk mund të konceptohet që lidershipi i PD të mos njihet nga SHBA dhe Britania. Ky është realiteti, pavarësisht se është i hidhur dhe godet të ardhmen e saj”, tha Deda.

LEXONI GJITHASHTU:

• “Butrinti, me shkelje kushtetuese”, Zhupa komenton pranimin e kërkesës së PD-së
• PD ngre alarmin: 22 mijë më shumë të punësuar në administratë, dhunim i zgjedhjeve