“Butrinti, me shkelje kushtetuese”, Zhupa komenton pranimin e kërkesës së PD-së

Gjykata Kushtetuese ka pranuar të shqyrtojë padinë për koncesionin e Parkut Arkeologjtë Butrintit. Lajmin e ka bërë me dije në rrjetet sociale, deputetja e Partisë Demokratik, Ina Zhupa.

Kjo e fundit në një intervistë për Euronews Albania, tha se pranimi i padisë nga Gjykata është një lajm i mirë, ndërsa theksoi se kjo është dosja më voluminoze që ka marrë në shqyrtim ky institucion.

Ajo tha se PD ka kërkuar pezullim të menjëhershëm të marrëveshjes koncensionare, megjithatë ky është vendim që i takon Gjykatës.

“Është një fitore sepse fillimi i mbarë gjysma e punës dhe Gjykata Kushtetuese ka treguar se ka refuzuar dhe paditë e bëra nga deputetët opozitarë të të gjitha kohërave qoftë kur i bënte opozita e PS, qoftë dhe së fundmi nga opozita. Jam e lumtur që testin e parë të konferencës së gjyqtarëve Butrinti e ka kaluar, kjo do të thotë se dosja ka qenë e kopsitur mirë. Mund  të them se është dosja më voluminoze që ka marrë Gjykata Kushtetuese, për shkak se shkeljet ishin të mëdha.

Kjo bëri që çështja të kalonte me sukses testin e parë dhe  deri në fund të janarit të priten prova nga të gjitha palët. Ne kemi kërkuar dhe pezullimin e menjëhershëm të kësaj marrëveshje koncensionare pavarësisht se sa do të zgjasë gjykimi. Marrëveshja është në periudhë tranzitore, ndërkohë është Gjykata ajo që do të vendos nëse puna do të pezullohet gjatë kohës që shqyrtohet apo do të vazhdojë puna”-tha ajo.

LEXONI GJITHASHTU: 

• Kosova përgënjeshtron pretendimet e Serbisë për tërheqje të njohjeve
• MSH publikon bilancin e Covid-19 për 24-orët e fundit
• Shefi i NATO-s paralajmëron: Është e rrezikshme të nënvlerësosh Rusinë