Kush alarmon Shkupin me bomba? Kaos mes qytetarëve

Prej disa javësh qytetarët në Maqedoni të Veriut frikësohen për shkak të alarmeve për bombë, të cilat herë pas here raportohen nga shkollat, qendrat tregtare por edhe nga institucione zyrtare.

Ministria e Brendshme shprehet se në të gjitha rastet, alarmet kanë qenë të rreme, por sidoqoftë përhapin panik në publik.

Qytetarët thonë se kanë humbur besimin se institucionet do të kapin autorët. Partia opozitare VMRO-DPMNE kërkon dorëheqjen e ministrit të Punëve të Brendshme.

Korrespondentja e Euronews Albania, Ferikan Iljazi thotë se qytetarët e kanë marrë si diçka të përditshme alarmin për bomba dhe tashmë evakuimet janë bërë të zakonshme.

“Në fillim kishte frikë te nxënësit, merrej pak më me seriozitet edhe evakuimi ndoshta dhe diçka tjetër, por edhe mobilizimi i policisë ishte më i përpiktë, ndërsa tani pavarësisht se është e detyrueshme të respektohet protokolli i evakuimit, qytetarët janë më të relaksuar,” – u shpreh Iljazi.

LEXONI GJITHASHTU:

• BE kritika Shkupit për korrupsion, Ambasadori Gir: Jeni në udhëkryq