BE kritika Shkupit për korrupsion, Ambasadori Gir: Jeni në udhëkryq

Ekipi amerikan për sanksione që do të hetojë zyrtarët e korruptuar, ka ngjallur një mori kritikash dhe reagimesh kundër Qeverisë së Maqedonisë së Veriut. Diplomatët e huaj, të nxitur nga ambasadorja amerikane në Shkup Angela Agëllër, kanë kritikuar nivelin e lartë të korrupsionit në shtetit.

Ambasadori i Bashkimit Evropian, Dejvid Gir kujtoi investimet e shumta të Brukselit për luftimin e korrupsionit, duke kërkuar rezultate konkrete.

“Gjatë muajit të kaluar debati publik u fokusua në luftën kundër korrupsionit, kjo është mirë, por nuk është diçka e re. Nga ana e BE-së ne vazhdimisht dhe publikisht i theksojmë mossukseset në këtë fushë, e kemi përshëndetur suksesin kur ka ndodhur dhe bëjmë thirrje për veprim më serioz. Për këtë arsye në emër të BE-së përsëri bëj thirrje të bëhet më shumë. Ky vend është në udhëkryq, duhet të zgjedhë nëse do të ecë përpara, duke luftuar bindshëm korrupsionin ose do të lejojë që ai të lëshojë edhe më shumë rrënjë”- tha ai.

Zëvendës kryeministrja Sllavica GËRKOVSKA pranon kritikat dhe këshillon të gjithë qytetarët dhe institucionet të luftojnë bashkë fenomenin ndërsa kërkon më shumë rezultate nga gjyqësori.

“Në qoftë se kemi luftë selektive kundër korrupsionit, në qoftë se kemi vendime gjyqësore të mbushura me dyshime dhe të marra pa asnjë transparencë, nuk kontribuojmë për krijimin e besimit në institucione. Pavarësia gjyqësore nuk do të thotë se dikush ka të drejtë ta shkatërrojë sistemin nga brenda dhe të mos ketë asnjë përgjegjësi, përkundrazi, pavarësia gjyqësore sjell përgjegjësi shumë më të madhe, para së gjithash ndaj qytetarëve.”- tha  Sllavica gërkovska, zv/kryeministre.

Edhe ambasadori anglez në RMV Metju Luson ka kritikuar brishtësinë e Maqedonisë së Veriut ndaj korrupsionit.

Në një postim në rrjetin social Twitter ai ka shkruar se korrupsioni në Maqedoninë e Veriut përkeqësohet, dhe se e minon sundimin e së drejtës, krijon mosbesim në sistemin gjyqësor, dhe e dobëson administratën publike.

LEXONI GJITHASHTU: 

• Operatorja e parë vajzë në Shqipëri: U internova në “74, çfarë më tha babai
• Agresori fal bodygardët, Shehu kërkon të mos ndiqen penalisht ata që e dhunuan
• Problemet post-covid, mjeku: Cilat janë moshat që kërkojnë më shumë trajtim spitalor