Agresori fal bodygardët, Shehu kërkon të mos ndiqen penalisht ata që e dhunuan

Agresori i Sali Berishës fali truprojat e ish-kryeministrit, të cilët e dhunuan. Siguria private e kryetarit të Partisë Demokratike rrezikonte të akuzohej për plagosje të lehtë ose dëmtime të tjera me dashje.

31-vjeçari Gert Shehu i cili goditi me grusht kreun e PD-së Sali Berisha në protestën e opozitës, ka kërkuar që të mos ndiqen penalisht truprojat që e dhunuan.

Kjo është deklaruar gjatë marrjes në pyetje të Shehut, teksa atij iu caktua masa e sigurisë arrest me burg. Truprojat e ish-kryeministrit rrezikonin të merreshin nën hetim për plagosje të lehtë ose dëmtime të tjera me dashje.

Gert Shehut iu caktua masa e sigurisë në ambientet e spitalit të Traumës ku po mbahet në mbikqyrje mjekësore dhe ruhet nga policie. Pas përmirësimit të gjendjes shëndetësore, i riu pritet të transferohet në paraburgim.

Avokati Ervis Lila i përzgjedhur nga familjarët e Gert Shehut kërkoi një masë më të butë sigurie dhe theksoi se akti i ekspertimit psikik për klientin e tij do të jetë përcaktues në këtë proces.

Lila gjithashtu është shprehur se agresori i Berishës flet me fragmente dhe bën deklarime të ndryshme. Gert Shehu akuzohet nga autoritetet për goditje për shkak të detyrës dhe plagosje me dashje ndonse Sali Berisha e fali publikisht por nga ana tjetër e akuzon si të infiltruar nga policia kriminale.

LEXONI GJITHASHTU: 

• “300 avokatë ikën në Gjermani”, togat e arta ngrenë problemet e reformës në drejtësi
• Spahiu: Berisha sulmon Kim sepse dyshon që pas “grushtit” është SHBA
• A i tregoi pse e goditi Berishën? Flet avokati i Gert Shehut