Juristi Kreshnik Spahiu është shprehur se kreu i PD-së Sali Berisha mendon se pas grushtit në bulevard nga Gert Shehu, fshihet SHBA.
Në një intervistë për Euronews Albania, Spahiu theksoi se Berisha e ka marrë si paralajmërim grushtin dhe kjo ka qenë arsyeja që Berisha reagoi ashpër ndaj ambasadores Yuri Kim dhe ambasadorit britanik.
“Berisha ka qenë i ashpër sepse në vetvete ai ndjen se grushti ndaj tij ka qenë prapaskenë amerikane. Në logjikën e tij ai thotë se përse nuk më ndodhi 32 vjet. Pse kjo gjë ndodhi pikërisht në ditën kur vijnë kryeministrat dhe njerëzit më të fuqishëm në Tiranë.
Ai e ka marrë si një mesazh paralajmërues se ka kaluar vijën e kuqe kundër perëndimit dhe prandaj reagimi i Berishës kundër Kim dhe ambasadorit britanik është tejet i ashpër. Ai e ka marrë si paralajmërim të fundit grushtin. Berisha mendon se pas asaj goditje në bulevard, mund të fshihet një dorë e perëndimit për ta paralajmëruar si kërcënim të projekteve perëndimore.”- tha ai.
LEXONI GJITHASHTU: