Kryekomisioneri Shtetëror për Zgjedhjet, Ilirjan Celibashi deklaroi se aktualisht, Partia Demokratike ka përfaqësues në Komisionin Qendror të Zgjedhjeve, Marash Logun dhe Indrit Sefën.

Këta dy persona, mbështesin grupimin e Enkelejd Alibeajt.

Por Celibashi, në një deklaratë për mediat, nënvizoi se nëse do të vijë një kërkesë për regjistrim të përfaqësuesve të tjerë, KQZ-ja do të vlerësojë legjitimitetin e dokumentacionit lë lëshuar nga gjykata.

“Ne kemi komunikim institucional me Partinë Demokratike. Deri në momentin që ne flasim, përfaqësues të PD-së në KQZ është Marash Logu dhe Indrit Sefa. Por natyrisht që në kuadërtë komunikimeve qoftë edhe të karakterit profesional, kemi komunikime, qoftë e dheme Ivi Kason, qoftë me përfaqësues të tjerë të partive politike.  Ne do të vlerësojmë legjitimitetin e atij që përcjell dokumentacion në KQZ. Në çfarë kuptimi legjitimiteti?  Në kuptimin që është apo nuk është ky person, me tagrin për të përcjellë në emër të PD-së, kërkesa të ndyshme, propozime.

Sot, janë përfaqësues të PD-së në KQZ, dy zotërinjtë që përmenda. Autorizimi që ata kanë, është në përputhje me parashikimet e Kodit Zgjedhor. Në momentin që do vijë një kërkesë, qoftë edhe për regjistrimin e Partisë Demokratike, do të vlerësojmë legjitimitetin e personit që paraqet atë kërkesën. Ky legjitimitet është i verifikueshëm nga dokumentacioni që KQZ-ja merr nga Gjykata e Rrethit Gjyqësor Tiranë. Kjo nuk është një çështje që e vendos KQZ-ja. Ne do të vlerësojmë  momentin që do kemi këto kërkesa, çfarë legjitimiteti ka një person, bazuar në një dokumentacion që nuk e prodhon KQZ-ja”, theksoi ai.