Policia e Korçës ka zbardhur ngjarjen e ndodhur pasditen e djeshme në afërsi të ish-liceut francez, ku mbeti i plagosur 29-vjeçari, Kostika Ruko.

29-vjeçari fillimisht ka deklaruar për oficerët e policisë gjyqësore se ishte plagosur nga dy persona të maskuar, por gjatë hetimit gjithçka ka marrë një tjetër rrjedhë.

Sipas hetimeve, Kostika Ruko i ka shkaktuar vetes disa plagë në trup pasi sipas policisë ngjarja ka nisur nga një konflikt brenda familjes, pas një mosmarrëveshje me bashkëshorten dhe vjehrrin e tij.

29-vjeçari dyshohet se ka qenë në gjendje të dehur në momentin e ngjarjes dhe aktualisht ndodhet në spitalin e Korçës, jashtë rrezikut për jetën.

Policia ka njoftuar se ka nisur procedimin penal për 29-vjeçarin, Kostika Ruko.

Njoftimi i policisë

Në vijim të informacionit paraprak të dhënë ditën e djeshme, ku shtetasi Kostika Ruko, 29 vjeç, shkoi i dëmtuar me mjet prerës thikë, në spital, ju informojmë se:

“Nga e hetimet e kryera nga Specialistët e Hetimit të Krimeve në Komisariatin e Policisë Korçë, u referuan materialet në Prokurori, ku filloi procedimi penal për shtetasin Kostika Ruko, 29 vjeç, banues në Korçë, pasi dyshohet se në gjendje të dehur pas një konflikti me bashkëshorten dhe vjehrrin e tij, ky shtetas është vetëdëmtuar me mjet prerës thikë dhe aktualisht po merr ndihmë mjekësore jashtë rrezikut për jetën”.

LEXONI GJITHASHTU:

• Plagoset një person në Korçë, shkon në spital me plagë të shumta
• Mbyllet faqja që bullizonte nxënësit në Korçë, denoncimi nga një oficer sigurie