Kush është Gjergj Laçi, radikali që terrorizonte banorët e ‘5 Majit’

Xherxh apo Gjergj Laçi nuk ishte një emër i panjohur për policinë pasi më herët ishte arrestuar dhe dënuar për armëmbajtje pa leje. Madje për neutralizimin e tij në vitin 2013 u thirrën forcat RENEA.

Këto janë pamjet kur në vitin 2013 Gjergj Laçi do të vihej në pranga pas ndërhyrjes së forcave speciale në zonën e ‘5 Majit’.

Ai qëllonte me automatik në mes të ditës duke terrorizuar banorët e lagjes.

Fillimisht policia e rendit mbërriti në vendngjarje ndërsa më pas ishin forcat speciale që e neutralizuan.

Laçi u dënua për armëmbajtje pa leje dhe prishje të qetësisë publike ndërsa tashmë pas 9 vitesh ndaj tij do të rëndojnë 3 akuza të tjera, dhunë në familje, keqtrajtim i të miturve dhe armëmbajtje pa leje.

52-vjeçari pritet të dalë para Gjykatës së Tiranës të martën për t’u njohur me masën e sigurisë.

LEXONI GJITHASHTU:

• “Gjuante me armë”, dëshmia tronditëse e komshiut të radikalit fetar: Ishte jo social
• Ballkoni i rrethuar me çarçafë, motra e radikalit fetar: Për t’u mbrojtur nga dielli