Kush është Sokol Halili që ekzekutoi gruan shtatzënë (PROFIL)

Gazetari Kosovë Gjoci ka dhënë detaje në lidhje me vrasjen e 35-vjeçares shtatzënë në Kosovë, mbrëmjen e djeshme nga ish-bashkëshorti.

Ai tha se familjarët kanë treguar se çifti kishte pasur probleme kohët e fundit.

Ndër të tjera shtoi se gjatë muajit gusht, 31-vjeçari Sokol Halili kishte kërcënuar me armë ish-bashkëshorten Hamide Magashi dhe për këtë ishte lajmëruar dhe policia.

Çifti që kishte 4 vite diferencë me njëri-tjetrin ishin nga komuna e Lipjanit.

Sakaq, sipas burimeve të gazetarit Halili, armën me të cilën ka qëlluar të renë e kishte pa leje, ndërkohë kjo e fundit ishte me urdhër mbrojtje nga policia.

I riu u fut i armatosur në ambientet e maternitetit të Prishtinës dhe qëlloi më 3 plumba gruan shtatzënë. Ai e qëlloi gruan e tij me 1 plumb në kokë dhe 2 në trup.

Gruaja pritej që të sillte në jetë sot fëmijën e saj dhe ndodhej e shtruar në spital prej më shumë se një jave.

Autori dyshohet se është larguar drejt Gjermanisë pasi kreu krimin e rëndë.

LEXONI GJITHASHTU: 

• Nenad Rashiç emërohet ministër për Komunitete dhe Kthim në Kosovë
• E qëlloi në kokë një ditë para se të lindte, detaje nga vrasja e gruas në Prishtinë