Që nga hyrja në fuqi e ligjit, ka pasur 35 kërkesa në Komitetin e Investimeve Strategjike për të marrë statusin e një investimi strategjik.
25 nga këto kërkesa janë miratuar, ndërsa 10 janë refuzuar. 11 prej këtyre 25 kërkesave kanë marrë statusin “Investim strategjik, procedurë e veçantë”, dhe 13 të tjera kanë marrë statusin “Investim strategjik, procedurë e asistuar”.
Në vendimin e qeverisë, shpallen 6 sektorë strategjik, ku dhe do të fokusoheshin investimet që do të përfitonin statusin.
Sektori energjetik dhe minerar, transporti, infrastruktura e komunikimeve elektronike dhe mbetjet urbane, turizmi, bujqësia e peshkimi, zonat teknologjike si dhe zonat me përparësi zhvillimi.
Por në një vëzhgim të bërë nga Euronews Albania rezulton se shumica e lejeve që kanë përfituar statusin e investitorit strategjik janë dhënë për projekte në sektorin e turizmit.
Më pas në vendin e dytë janë projektet e dhëna për ferma bujqësore dhe më pas investimet në sektorët e tjerë të ekonomisë.
LEXONI GJITHASHTU