Kuvendi i Kosovës shkarkon anëtarët e bordit të RTK-së

Kuvendi i Kosovës ka shkarkuar anëtarët e bordit të Radiotelevizionit të Kosovës.

Votimi për shkarkimin e 8 anëtarëve është kryer për secilin anëtar veç e veç, një propozim i bërë ky nga kryetari i Kuvendit, Glauk Konjfuca.

Opozita ka kundërshtuar shkarkimin e anëtarëve të bordit të RTK-së, duke thënë se është një shkarkim politik dhe me qëllim që të kontrollohet bordi i ri që do të emërohet.

Pas shkarkimit nga Kuvendi, ka reaguar edhe bordi i RTK-së, ku me anë të një deklarate para mediave e ka cilësuar veprimin e sotëm si politik, antiligjor dhe ndërhyrje flagrante në punën e transmetuesit publik.

LEXONI GJITHASHTU:

• Dialogu Kosovë-Serbi, palët akuzojnë njëra-tjetrën për moszbatim të marrëveshjeve
• Kuvendi i Kosovës miraton rezolutën për gjenocidin serb në Srebrenicë