Kuvendi miraton 4 anëtarët e rinj të Këshillit Mbikëqyrës të BSH-së, rrëzohen 6 propozime të opozitës
Seanca plenare në Kuvend është mbyllur në orën 04:15 të mëngjesit të së premtes. Seanca nisi punimet me zhvillimin e një interpelance me Ministren e Ekonomisë dhe Inovacionit, Delina Ibrahimaj, kërkuar nga deputetët Agron Shehaj dhe Erald Kapri, në lidhje me Parkun Teknologjik “Durana”.
Pas zhvillimit të interpelancës, punimet plenare vijuan me shqyrtimin e tetë projektligjeve dhe pesë projektvendimeve. Kuvendi gjithashtu ka miratuar anëtarët e rinj të Këshillit Mbikëqyrës të Bankës së Shqipërisë.
Me 74 vota pro, 16 kundër dhe asnjë abstenim, deputetët miratuan projektvendimin për zgjedhjen e Selami Xhepës si anëtar i Këshillit Mbikëqyrës.
Me 72 vota pro, 19 kundër dhe 1 abstenim, u miratua kandidatura e Holta Zaçajt, e cila do të bëhet pjesë e organit më të lartë vendimmarrës të bankës qendrore.
Me 74 vota pro, 17 kundër dhe asnjë abstenim, u emërua Ervin Mete si anëtar të Këshillit Mbikëqyrës. Me 73 vota pro, 18 kundër dhe asnjë abstenim, u miratua Jonida Priftit si anëtare.
Projektvendimi për zgjedhjen e Matilda Shehut u shty për në një seancë tjetër plenare, me kërkesë të Kryetarit të Grupit Parlamentar të Partisë Socialiste.
6 projektligjet e propozuara nga opozita, u rrëzuan. Dy prej tyre ishin të propozuara nga Ina Zhupa “Për Trashëgiminë Kulturore dhe Muzetë” dhe “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”. Dy nga Jorida Tabaku “Për akcizat në Republikën e Shqipërisë” dhe “Për statusin e minatorit”.
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta