“Ky është vetëm fillimi!”, gazetari paralajmëron sulme masive kundër Hamasit

Gazetari nga Izraeli Ben-Dror Yemini tha në një intervistë për Euronews Albania se ajo që po ndodh në Izrael pas sulmit masiv me raketa nga Hamasi është vetëm fillimi i një konflikti shumë të ashpër.

Ai u shpreh se në Izrael dëgjohen gjatë gjithë kohës sirena alarmi për shkak të raketave që po sulmojnë civilët.

“Militantë të Hamasit kanë hyrë në Izrael dhe luftimet po vazhdojnë, fatkeqësisht duket se është vetëm fillimi i një beteje kundër Hamasit. Sapo filluam intervistën ishte alarmi që po binte për raketat, tani në Izrael po dëgjojmë shumë alarme pasi ata po godasin me raketa. Por nuk po luftojnë kundër ushtrisë izraelite, por kundër civilëve të pafajshëm”, tha gazetari.

LEXONI GJITHASHTU:

• Sulmet me raketa në Izrael, reagon kryeministri Rama
• 5000 raketa drejt Izraelit, reagon Hamasi: Kemi të drejtë të mbrohemi ndaj terrorit