I dolën biseda me Jeffrey Epstein, jep dorërheqjen Lajčák i dërguari i dialogut Kosovë-Serbi

Ish-ministri i jashtëm sllovak, Miroslav Lajčák, i cili ka shërbyer edhe si i dërguari i Bashkimit Evropian për dialogun Kosovë-Serbi, ka dhwnw dorwheqjen nga posti i këshilltarit të kryeministrit të Sllovakisë. Kryeministri Robert Fico (Smer) ka pranuar dorëheqjen e tij. Fico tha se “nuk kam parë kaq shumë hipokrizi kohët e fundit” dhe mbrojti Lajčák, i cili vendosi të largohet për shkak të komunikimit me Jeffrey Epstein.

Lajčák u shpreh se nuk ka marrë pjesë, nuk ka qenë dëshmitar dhe nuk ka pasur informacion për asnjë veprim të paligjshëm seksual. Ai theksoi se bisedat e publikuara me Epstein ishin të shkurtra, joformale dhe pa përmbajtje reale, dhe se nëse do të kishte ditur më parë për krimet e Epstein, nuk do të kishte pasur asnjë komunikim me të, raportohet në media.

Opozita dhe partneri i koalicionit SNS kishin kërkuar largimin e Lajčák nga pozita e këshilltarit. Ai ka deklaruar se do të diskutojë personalisht me kryeministrin për dorëheqjen, për të shmangur që Fico të përballet me pasoja politike për diçka që nuk ka lidhje me vendimet e tij.

Departamenti Amerikan i Drejtësisë ka publikuar më shumë se tre milionë faqe dokumentesh në lidhje me çështjen Epstein, ku përmenden figura të njohura publike, përfshirë presidentin e SHBA Donald Trump, ish-presidentin Bill Clinton dhe ish-ministrin e jashtëm sllovak Lajčák.