Lajçak pas takimit me Kurtin dhe Escobarin: Do të takohem me komandantin e KFOR-it

I dërguari i Bashkimit Evropian për dialogun Kosovë-Sebi, Mirosllav Lajçak, ka thënë se preferon rrugën diplomatike për heqjen e barrikadave në veri të Kosovës.

Ai i ka bërë këto deklarata pas një takimi që ka zhvilluar në Prishtinë me kryeministrin e Kosovës, Albin Kurti dhe të dërguarin e Shteteve të Bashkuara për Ballkanin Perëndimor, Gabriel Escobar.

“Kam pasur diskutim të gjatë me kryeministrin e Kosovës, Albin Kurti. Nuk do t’i bëj publike detajet, sepse jam në mes të misionit dhe do ta vazhdoj vizitën nesër në Beograd. Do të takohem me komandantin e KFOR-it dhe atë të EULEX-it sonte, për të parë vlerësimin e tyre për situatën në terren, dhe më pas do të tentojmë të gjejmë zgjidhjet e mundshme, sepse kjo gjë nuk është e mirë. Unë nuk mendoj se kemi llogari që të presim për të ndodhur diçka e keqe. Tensionet nuk i ndihmojnë askujt, dhe nuk mendoj që ndonjë njeri normal është i lumtur me këtë situatë në veri”- tha ai.

LEXONI GJITHASHTU: 

• Danimarka i jep fund kërkesës së izolimit pas testit pozitiv të koronavirusit
• Saracin: Gjermania dëshiron që serbët të kthehen në institucionet e Kosovës
• Muçi: Strasburgu mund të detyrojë gjykatat të kthejnë në detyrë të shkarkuarit