Lautaro “heroi” i zikaltërve, Interi fiton për herë të 8-të Superkupën e Italisë

Superkupa e Italisë ka shkuar në favor të Interit për të tretin sezon radhazi, me zikaltrit që u përballën në finale me Napolin. Një finale e cila u luftua nga të dyja skuadrat, por me kampionët në fuqi të Serisë A, ndikuar këtu nga mungesat, por që ishin të pafat.

Pjesa e parë u mbyll me rrjeta të paprekura, ndërsa rastet për shënim ishin thuajse zero. Në fraksionin tjetër, të dyja ekipet ishin kërkuese, e të hedhura në sulm, por kur u duk se gjithçka do t’i lihej shtesës, ishte Lautaro Martinez që ktheu në gol një pasim të ardhur nga krahu i djathtë. Argjentinasi në rrëmujë arriti të ndalte sferën në rrjetë, duke i dhënë avantazhin të tijve, rezultat që nuk ndryshoi.

Me këtë fitore, zikaltrit regjistrojnë triumfin numër 8 në kupën e Italisë, ndërsa janë rikonfirmuar pas dy sezoneve të mëparshme ku fituan në finale ndaj Milanit dhe Juventusit. Në anën tjetër, napoletanët humbasin një tjetër finale si ajo e 2020, ku asokohe i mposhtte Juventusi. Sa i përket performancës në fushë, lojtari më i vlerësuar ishte Lautaro Martinez, tek Napoli portieri Gollini, ndërsa nuk pati asnjë minutë për Kristian Asllanin.