Lavrov në Korenë e Veriut, Kina mbështet Rusinë në luftën me Ukrainën

Lideri i Koresë së Veriut, Kim Jong Un i ka ofruar Moskës “mbështetje të palëkundur” në luftën e saj në Ukrainë, sipas raportimeve të mediave shtetërore.

Në bisedimet me ministrin e Jashtëm rus, Sergei Lavrov në Korenë e Veriut, Kim ka thënë se Pheniani është në linjë me “të gjitha veprimet e udhëheqjes ruse” për të luftuar “rrënjën e problemit të krizës ukrainase”.

Zyrtarët perëndimorë besojnë se Pheniani i ka dërguar rreth 11.000 trupa ushtarake në Rusi vitin e kaluar për të luftuar kundër Ukrainës.

Presidenti rus, Vladimir Putin e ka nisur luftën në shkallë të plotë në Ukrainë në shkurt të vitit 2022.

Sipas agjencisë shtetërore të lajmeve të Koresë Veriore, KCNA, Kim dhe Lavrov janë takuar të shtunën “në një atmosferë të ngrohtë miqësore”.

Lideri koreanoverior ka shprehur “besimin e plotë që ushtria dhe populli rus do të fitojnë në plotësimin e këtij synimi për mbrojtje të dinjitetit dhe interesave bazike të shtetit”.

LEXONI GJITHASHTU:

• Protestuan në mbështetje të Palestinës, arrestohen mbi 70 persona në Britani
• BE dhe Meksika të zhgënjyer, kritikojnë tarifën e propozuar prej 30% të Trump