Lavrov: Rusia dënon përdorimin e forcës nga Izraeli kundër Iranit

Ministri i Jashtëm rus, Sergei Lavrov, i tha homologut të tij iranian, Abbas Araqchi, në një telefonatë të shtunën se Moska dënon përdorimin e forcës nga Izraeli kundër Iranit dhe është e gatshme të ndihmojë në uljen e tensioneve në Lindjen e Mesme.

Ministria e Jashtme ruse tha në një deklaratë se Rusia është e gatshme të vazhdojë të punojë për të zgjidhur çështjet që lidhen me programin bërthamor të Iranit.

Irani dhe Izraeli shkëmbyen raketa dhe sulme ajrore të shtunën, një ditë pasi Izraeli nisi një ofensivë të gjerë ajrore kundër armikut të tij të vjetër, duke vrarë komandantë dhe shkencëtarë dhe duke bombarduar centrale bërthamore në një përpjekje të deklaruar për ta ndaluar atë të ndërtonte një armë atomike.

Lavrov i shprehu ngushëllimet e tij Araghchi-t për iranianët e vrarë në sulme, thuhet në deklaratë

LEXONI GJITHASHTU:

• “Teherani do të digjet”, Ministri izraelit i mbrojtjes paralajmëron Iranin
• Ministri i Jashtëm i Iranit: Bisedimet bërthamore me SHBA-në, të pajustifikueshme