Leao dhe Milan, marrëdhënie në krizë, por largimi nuk është i afërt

Raporti mes Rafael Leão dhe AC Milan duket në pikën më të ulët, mes kritikave për paqëndrueshmëri dhe tensioneve të fundit brenda skuadrës.

Edhe pse talenti i sulmuesit nuk vihet në diskutim, drejtuesit dhe trajneri Massimiliano Allegri nuk janë të kënaqur me qëndrimin e tij në fushë. Episodi i fundit në Stadio Olimpico, me daljen e ngadaltë nga loja dhe debatet e mëvonshme, përfshirë edhe me Christian Pulisic, ka përkeqësuar situatën.

Megjithatë, pavarësisht krizës, Milani nuk ka ndërmend ta shesë lehtë lojtarin. Klauzola prej 170 milionë eurosh konsiderohet e paarritshme, ndërsa vlera aktuale e tij në treg është dukshëm më e ulët. Klubi pritet të dëgjojë oferta, kryesisht nga Premier League ose Arabia Saudite, me një shifër rreth 80 milionë eurosh që mund të merret në konsideratë.

Performanca me vetëm nëntë gola në kampionat dhe dështimi në rolin e qendërsulmuesit kanë ndikuar në rënien e vlerës së tij, ndërsa paqëndrueshmëria mbetet problemi kryesor.

Për momentin, largimi i Leãos në verë nuk është i sigurt, por e ardhmja e tij te Milani mbetet e hapur.