Drejtori i Përgjithshëm i Institutit Kombëtar të Jetimëve Shqiptare, Ilir Çumani tha se është rritur së bashku me nënën e Lear Kurtit, Fatmirën në shtëpinë e fëmijës.
Në një intervistë për Euronews Albania, Çumani e përshkroi nënën e 32-vjeçarit që humbi jetën mbrëmjen e 19 nëntorit në komisariat, si një grua të fortë që rriti një fëmijë me shumë vështirësi.
“Me Fatmirën jam rritur në shtëpinë e fëmijës. Fatmira është një figurë e admirueshme e mëmësisë e qëdrestares e njeriut stoik që përballon çdo sfidë dhe ka shpërfillur gjithçka që i ofroi jeta. Lindi nga dy njerëz që nuk e di se kush janë prindërit e saj. Emrin e kishte shumë të bukur por fati nuk i buzëqeshte. Rriti një fëmijë me shumë vështirësi duke e shkolluar dhe e përgatitur për jetën”- nënvizoi Çumani.
Më tej ai tha se Lear Kurti ishte një njeri inteligjent që dinte 4 gjuhë të huaja.
“Leari ishte shumë inteligjent. Dinte katër gjuhë të huaj. Leari kishte një inteligjent të lindur”- tha ai.
LEXONI GJITHASHTU:
- Spahiu zbulon marrëveshjen Rama-Berisha-Meta: Si doli Basha nga skema e tyre
- “Leari po planifikonte të ikte jashtë Shqipërisë”, përlotet në studio Ilir Çumani
- Kreu i Policisë për vdekjen e Lear Kurtit: Do jap shpjegime brenda 48 orëve
