Leonardo DiCaprio pjesë e serialit ‘Squid Game’?

Regjisori i “Squid Game” Huang Dong-Hyuk zbuloi se Leonardo DiCaprio mund të shfaqet në sezonin e tretë të dramës.

Këtë mundësi ai e bëri të ditur teksa foli për rritjen e buxhetit për sezonin e dytë dhe të tretë të serialit, suksesi i të cilit ende nuk është tejkaluar nga asnjë serial tjetër në Netflix, raporton Collider.

Edhe pse aktorët e Hollivudit nuk janë pjesë e planit të Huang për pjesën e dytë, ai zbuloi se kjo mund të ndodhë në të tretën.

“Nëse koha e lejon dhe nëse e lejon mundësia, unë do t’i kërkoj atij të bashkohet me lojën”, tha Huang së fundmi, duke zbuluar se DiCaprio “i ka thënë disa herë se është një fans i madh i serialit”.

Ai po ashtu tha se ende nuk ka vendosur se çfarë do të përfshihet në “Squid Game” të radhës.

Kujtojmë se bëhet fjalë për serialin i cili regjistroi 1.54 miliardë orë shikime në 28 ditët e para të transmetimit.

LEXONI GJITHASHTU:

• Squid Game frymëzon një reality show, fituesi merr 4,56 milionë dollarë