Lëvizja “Shqipëria bëhet” mbledh firma për ndryshimet në sistemin zgjedhor

Lëvizja “Shqipëria bëhet” ka nisur mbledhjen e firmave për ndryshimin e kodit zgjedhor që do t’u mundësonte emigrantëve të drejtën e votës.

Në një dalje për mediat, nga Kryesia e Kuvendit, kreu i kësaj lëvizje, Adriatik Lapaj tha se ka nisur aksioni për mbledhjen e 20 mijë firmave, ndërsa shtoi se në vend duhet të ketë një sistem proporcional.

“Është çasti që të ndahet shapi nga sheqeri. Të ndahen ata që janë pro hapjes së sistemit. Ose do të jemi për hapjen e sistemit, ose që të mbahen peng qytetarët; ose janë pro faktit që emigrantët të votojnë ose jo. Nuk ka rrugë të mesme. Duhet t’u japim të drejtë emigrantëve tanë që të votojnë. Ose me pengmarrësit, ose me qytetarët, s’ka rrugë të mesme”, tha ai.