Liderët e Çekisë, Polonisë dhe Sllovenisë në Kiev, takojnë Zelensky-n

Kryeministrat e Polonisë, Çekisë dhe Sllovenisë u takuan në Kiev me Presidentin Volodymyr Zelensky dhe Kryeministrin Denis Shmihal, një vendim i guximshëm për të treguar mbështetjen e tyre, teksa kryeqyteti i Ukrainës vazhdon të bombardohet nga trupat ruse.

Kryeministrat e Republikës Çeke, Polonisë dhe Sllovenisë, kanë arritur të martën, 15 mars, në Kiev,  teksa vazhdojnë sulmet ruse në këtë shtet.

Qëllimi i vizitës është që të shprehet mbështetja e Bashkimit Evropian për Ukrainën, për lirinë dhe pavarësinë e saj

Fiala, Morawiecki dhe kryeministri slloven, Janez Jansha kanë udhëtuar me tren deri në Kiev, qytet i cili është duke u bombarduar nga forcat ruse.

“Me miq të tillë, me shtete fqinjë dhe partnere, ne do të kemi vërtet mundësinë të mposhtim, nuk dua t’ia përmend emrin pasi të gjithë e dimë”, u shpreh Volodymyr Zelenskyy, president i Ukrainës.

“Nuk do t’u lemë kurrë vetëm. Ne do te jemi krah jush pasi e dimë që nuk po luftoni vetëm për shtëpitë tuaja, për lirinë tuaj për sigurinë tuaj, por edhe për të tjerët”, u shpreh Mateusz Morawiecki.

Të katër ata u larguan të gjithë përpara se të hynte ne fuqi shtetrrethimi në Kiev. Ata pretenduan se ishin në një mision të BE-së, por zyrtarët nga blloku prej 27-vendesh kanë këmbëngulur se zyrtaret e tri vendeve kishin ndërmarrë udhëtimin në mënyrë të pavarur.