Lideri i majtë akuzon Macronin: Refuzon të njohë rezultatin e zgjedhjeve

Presidenti i Francës, Emanuel Macron deklaroi këtë të martë se do të emërojë një kryeministër të ri francez, pas përfundimit të Lojërave Olimpike në Paris.

Jean-Luc Melenchon, lider i një partie të majtë franceze, e ka akuzuar Macronin për refuzimin e njohjes të rezultateve të zgjedhjeve franceze.

“Presidenti refuzon që të njohë rezultatet e zgjedhjeve. Ai dëshiron që ne të pranojmë Frontin e tij të ri Republikan dhe ta braktisim programin tonë, me qëllim që të krijojmë një aleancë me të. Por, ky nuk është një opsion. Vota e francezëve duhet të respektohet. Macron duhet të dorëzohet ose të japë dorëheqjen”, ka shkruar Melenchon në X.

Macron nga ana e tjetër ka pranuar se partia që drejton ka pësuar një humbje në zgjedhjet, të cilat janë zhvilluar në fillim të muajit dhe ka refuzuar të thotë nëse kryeministri i ri do të jetë një person nga ana e koalicionit fitues në zgjedhje.

LEXONI GJITHASHTU:

• Macron pranon dorëheqjen e kryeministrit francez, pa pasardhës të qartë në horizont
• Macron u bën thirrje partive me “vlera republikane” ta formojnë Qeverinë e re