Qyteti i Korçës ka qenë kryeqendra e sportit në fundjavë, ku u zhvillua liga “Gjergj Kastrioti” në volejboll.
8 ekipe pjesëmarrëse në garën e meshkujve dhe femrave morën pjesë, ku u shpallën dhe dy kampionë, Skënderbeu dhe Partizani.
Vajzat korçare të udhëhequra nga Orlando Koja nuk kanë rivalë në kampionatin shqiptar, por e njëjta ecuri u konfirmua dhe në ligën “Gjergj Kastrioti”. Pasi mposhtën Partizanin në gjysmëfinale, vajzat korçare ia dolën dhe ndaj Dritës, ekip të cilën e mposhtën në shifrat 3-0.
“Treguam se skuadra ka përmirësime dhe përmirësohemi më tej, si dhe jemi optimist për të ardhmen”-tha Orlando Koja, trajner i Skënderbeut.
Edhe pse humbi në finale, trajneri Lorik Iljazi vlerësoi atmosferën dhe kompeticionin.
“Mblidhen ekipet më të mira dhe formojnë ligën e përbashkët që është më e fortë se të dy, ne e shijojmë shumë, u kënaqëm edhe pas humbjes”-tha Lorik Iljazi, trajner i Dritës.
Në garën për meshkuj, ishte Partizani ai i cili ngriti lart trofeun, pas një performance të jashtëzakonshme në finale. Të besuarit e Ylli Tomorrit fituan të dyja sfidat me rezultat 3-0, ajo finale ndaj ekipit bardh e blu.
“Ne kemi një lojë shumë më luajale e të lëvizshme, me dy qendra që si ka askush. Ato bëjnë atë që kundërshtari të ngelet në Hamulli. Tirana nuk e ka këtë luks”- u shpreh Ylli Tomorri-Trajner i Partizanit
Qytetarët korçarë konfirmuan dhe një herë tjetër dashurinë dhe përkushtimin për sportin, duke mos e lejuar të jetë asnjëherë i vetëm ky i fundit.
LEXONI GJITHASHTU:
- Dëmtohen kabllot e internetit në Detin e Kuq, probleme në disa vende të botës
- Kredia studentore, kush përfiton? Kriteret dhe si do të jetë shlyerja
