Gjykata e Apelit Tiranë ka lënë në fuqi masën e “arrestit me burg” për Fatjon Muratajn, lidhur me armët e zbuluara në korrik.
Ky i fundit ishte shpallur në kerkim dhe u arrestua në praninë e Endrit Dokles gjatë një kontrolli rutinë nga policia.
Pasditen e 9 tetorit, Endrit Dokle lëvizte me një Mercedes-Benz S-class të blinduar me targa bullgare në bulevardin “ Migjeni ” në Tiranë bashkë me bashkëshorten dhe fëmijën e mitur.
Mjeti luksoz drejtohej nga Gentian Reçi ndërsa pasagjer në vendin e parë ishte Fatjon Murati, i shpallur në kërkim.
Kush është Fatjon Murati?
Fatjon Murati dyshohet se ka qenë një ndër personat që është kërkuar nga Prokuroria Kurbin për t’u marrë në pyetje lidhur me masakrën me tre të vrarë në Fushë-Krujë.
Nuk dihet nëse shpallja në kërkim ka lidhje të drejtpërdrejtë me ngjarjen e Fushë-Krujës. Po për të njëjtën ngjarje është pyetur edhe Indrit Dokle i cili ka deklaruar se nuk ka asnjë lidhje atentatin dhe më pas është lënë i lirë.
Në masakrën e Fushë-Krujës mbetën të vrarë Brilant Martinaj, Diklen Vata e Besmir Hoxha, të cilët u qëlluan me rreth 60 plumba kallashnikovi në makinën Volkswagen Passat, me të cilën po lëviznin drejt Laçit.
Nga breshëria e plumbave makina mori flakë.
Vetëm Vata mundi të dalë nga makina, por agresorët u rikthyen sërish dhe u siguruan të vdiste. Viktimat ishin me precedent kriminalë në fushën e krimeve ndaj personit, pjesëtarë te grupit kriminal të Ervis Martinajt.
LEXONI GJITHASHTU:
- Gjykata lë në burg Fatjon Muratin, u arrestua teksa ishte në makinë me Indrit Doklen
- Administratori i Albgaz: Kur do të vihen në funksion TEC-et lundruese në Vlorë
