Lirohet pas 12 ditësh i marrë peng babai i futbollistit të njohur të Liverpulit

Babai i Luis Diaz është liruar nga rrëmbyesit e tij, kanë konfirmuar qeveria e Kolumbisë dhe Federata Kombëtare e Futbollit.

Ushtria Çlirimtare Kombëtare e Kolumbisë (ELN), grupi gueril që qëndron pas kapjes së armatosur të Luis Manuel Diaz gati dy javë më parë, ka liruar babanë e yllit të Liverpool. Mediat lokale raportuan se Diaz Sr ishte në një gjendje të mirë shëndetësore, pa shenja keqtrajtimi.

Një postim nga Liverpool në platformën X thoshte: “Jemi të kënaqur me lajmin për kthimin e sigurt të babait të Luis Diaz dhe falenderojmë të gjithë ata që janë përfshirë në sigurimin e lirimit të tij”.

Diaz u rrëmbye nga persona të armatosur nga ELN më 28 tetor së bashku me gruan e tij, Cilenis Marulanda, e cila u lirua nga policia brenda pak orësh.

Pas një kërkimi të madh ushtarak, qeveria tha në një deklaratë se kishte zhvilluar bisedime paqeje me ELN dhe tani po festonte lirimin e Diaz.

LEXONI GJITHASHTU:

• VIDEO| Rrëmbimi i prindërve të futbollistit të Liverpool, lirohet vetëm e ëma
• Derbi i Londrës pa fitues/ Liverpool mposht Evertonin, Man City, në krye të tabelës