Derbi i Londrës pa fitues/ Liverpool mposht Evertonin, Man City, në krye të tabelës

Derbi numër 173 mes Chelsea dhe Arsenal është mbyllur në barazim 2-2, në një përballje ku blutë kishin shanset e mëdha për të dalë më 3 pikë nga Stamford Bridge.

Një pjesë e parë perfekte për të besuarit e Pochettino, të cilët gjetën avantazhin me Palmer dhe e dyfishuan me Mudryk, ndërsa Rice e Trossard rikthyen ekuilibrat. Me këtë barazim Arsenali lëshoi kreun, duke rikthyer atje Manchester Cityn që fitoi ndaj Brightonit 2-1.

Alvarez e Haaland ishin protagonistët tek kampi i Guardiolës, ndërsa bomber norvegjez numëron 9 rrjeta në Premier League. Edhe rivalët e qytetit, djajtë e kuq fituan ndeshjen e radhës, ndërsa kundërshtari ishte Sheffield. McTominay po kalon një formë pozitive, ndërsa shënoi në avantazhin e Manchester United, teksa McBurnie solli barazpeshën në fushë. 13 minuta para fundit Dalot vulosi triumfin 1-2.

Poker golash për NeWcastle, që ngjitet kështu në vendin e 5-të në tabelën e klasifkimit, ndërsa minuta pati dhe për Tonalin. Golat e shënuar nga Murphy, Gordon, Longstaff e Ëilson rikthyen qymyrxhinjtë tek fitorja, të cilët në 5 sfidat e fundit kanë 4 fitore e një barazim. Dopieta e Salah solli fitoren për të kuqtë në derbin e Liverpool, ndaj Evertonit, me egjiptianin që regjistroi një tjetër fundjavë pozitive.

LEXONI GJITHASHTU:

• “Albania Dance Meeting”, shfaqja e koreografisë mbledh artistët në Gjirokastër
• Netanyahu: Hezbollahu do të bënte ‘gabimin e jetës’ nëse hyn në luftë