Lista serbe ka reaguar pas vendimit të qeverisë së Kosovës Prishtinë të mos e tërhequr vendimin për ndërrimin e targave dhe vendosjen e masa ndëshkimore deri më 21 prill të vitit të ardhshëm.

“Duke pasur parasysh planin e Albin Kurtit për të vendosur gjoba ndaj serbëve që posedojnë targa legale dhe legjitime të lëshuara nga autoritetet e Republikës së Serbisë, në emër të popullit serb nga kjo zonë duam t’i themi atij qartë dhe pa mëdyshje se shqiptimi i masës së parë të gjobës do të jetë shkak për një reagim të ashpër dhe rezistencë të popullit serb, sepse jemi të vetëdijshëm për qëllimet e vërteta të pushtetarëve nga Prishtina”, thuhet në një deklaratë të Listës serbe.

Spas Listës serbe, “vendimi i Albin Kurtit nuk është gjë tjetër veçse dëshirë për të vazhduar me planin e persekutimit të serbëve nga vatrat e tyre shekullore”, shkruan Euronews Serbia.

Qeveria e Kosovës ka vendosur zbatimin në disa faza të vendimit për konvertimin e targave serbe në ato RKS.

LEXONI GJITHASHTU:

• Qeveria e Kosovës ‘zbut’ vendimin për targat
• Tensione për targat në Kosovë? Analisti: Nuk dihet porosia e amerikanëve ndaj Kurtit