Lista Serbe: Nesër del vendimi për largimin e serbëve nga institucionet në veri

Përfaqësuesit e Listës Serbe kanë njoftuar se nesër do të mbajnë një takim me përfaqësuesit e institucioneve të Kosovës, ku do të shqyrtojnë nëse do të largohen prej tyre, teksa kanë paralajmëruar protesta nga e diela.

I gjithë reagimi ka ardhur pas pezullimit të komandantit të Policisë së Kosovës në Mitrovicën e Veriut, për shkak se ai së bashku me kryetarët e komunave, Listën Serbe njoftuan se policët në veri nuk do të lëshojnë paralajmërime për serbët që kanë targa e lëshuara nga Serbia.

Mediat e Kosovës shkruajnë se në konferencën për shtyp të mbajtur në ambientet e Listës Serbe, ishin të pranishëm katër kryetarë të komunave në veri të Kosovës, kryetari dhe nënkryetari i Listës Serbe dhe përfaqësues të tjerë politikë të institucioneve të Kosovës dhe Serbisë në veri.

Konferenca është mbajtur pas bisedimeve me presidentin serb, Aleksandër Vuçiç.

“Ne kurrë nuk do të ndalemi, dhe ajo që është veçanërisht e rëndësishme – do të jetë një rezistencë demokratike dhe jo e dhunshme. Protestat do të jenë vërtet paqësore, por në fund askush nuk e di se çfarë do të ndodhë në terren”, tha Goran Rakiq Rakiç, duke paralajmëruar se protestat që do nisin të dielën.

LEXONI GJITHASHTU: 

• 6 arsye pse Spanja duhet të jetë destinacioni juaj i ardhshëm
• Mos u jepni shumë detyra burrave se nuk i mbajnë dot, thotë Ema Andrea