Lituania shpall mbi 1.000 rusë e bjellorusë si rrezik për sigurinë kombëtare

Lituania i ka shpallur më shumë se 1.000 shtetas të Rusisë dhe Bjellorusisë, që jetojnë në këtë shtet, si kërcënim për sigurinë kombëtare, dhe ka thënë se do t’ua anulojë leje-qëndrimet e përhershme.

Vendimi vjen pasi Qeveria u ka kërkuar rusëve dhe bjellorusëve që ta plotësojnë një anketë, në të cilën ka pasur pyetje për qëndrimet e tyre lidhur me luftën e Rusisë në Ukrainë dhe për statusin e Krimesë, gadishullin ukrainas të aneksuar nga Moska më 2014.

Lituania, shtet baltik që e ka shpallur pavarësinë nga ish-Bashkimi Sovjetik më shumë se 30 vjet më parë, është demokraci që i takon NATO-s dhe Bashkimit Evropian.

Ajo ka qenë mbështetëse e madhe e Ukrainës dhe është bërë shtëpi për shumë refugjatë, të cilët u kanë ikur fushatave shtypëse qeveritare në Bjellorusi dhe Rusi.

Departamenti i Lituanisë për Migrimin, ka thënë se e ka vërtetuar që 1.164 shtetas bjellorusë dhe rusë që jetojnë në Litani përbëjnë rrezik për sigurinë kombëtare, vendim që është bazuar në informacion publik dhe jopublik.

LEXONI GJITHASHTU:

• Rusia dhe Kina praktikojnë shkatërrimin e ‘nëndetëses armike’ në Detin Bering
• Rusia raporton për sulme me dronë në bazën e saj Detin e Zi dhe Krime