“Barometri Politik” zbulon në sondazhin e radhës kush e fiton Fierin dhe Elbasanin

Sondazhi zgjedhor “Barometri Politik” i Euronews Albania dhe kompanisë prestigjioze MRB zbuloi të enjten se në qarkun Elbasanit ka një garë të ngushtë mes kryeministrit aktual Edi Rama dhe kryetarit të opozitës Lulzim Basha, ndërsa në Fier diferenca është e thellë në favor të kryetarit të PS-së.

Në tërësi qytetarët e të dyja qarqeve shohin Ramën më të përshtatshëm për kryeministër se sa Bashën.

Lexo më shumë: Rama dhe Basha në garë të ngushtë për Elbasanin, Fieri preferon kryesocialistin

Nëse zgjedhjet parlamentare do të mbaheshin të dielën e ardhshme, nga sondazhi rezultoi se PS do të merrte 53% të votave në Qarkun e Fierit, ndërsa PD 27.8%.

Përkthyer në mandate kjo përqindje do të ishte 11 me 5 për PS-në, teksa LSI rezulton ta ketë të vështirë të marrë deputetë.

Lexo më shumë: Projeksioni, si pritet të ndahen mandatet në Fier

Edhe në rastin e Elbasanit LSI duket se do ta ketë të vështirë të marrë një mandat ndërsa diferenca mes PS-së dhe PD-së rezulton më e ngushtë.

Përkthyer në mandate kjo përqindje do të ishte 7-8 për PS-në, 5-6 për PD-në dhe 0-1 për LSI-në.

Lexo më shumë: Projeksioni, si pritet të ndahen mandatet në Elbasan

Gjatë diskutimit në studio pati debate për përdorimin e vaksinave për propagandë dhe fushatë elektorale. Drejtuesja e Institutit për Demokraci Media dhe Kulturë, Jonila Godole, e nisi këtë diskutim duke vënë në dukje faktin se si tashmë vëmendja nuk është te pandemia, por te vaksinimi.

I përfshirë në diskutim, ish-ministri i Drejtësisë, Ylli Manjani deklaroi hapur se nuk do ta bënte vaksinën dhe se mënyra se si po përdoret për fushatë ishte e pamoralshme.

Lexo më shumë: Çështja e vaksinimit, Manjani dhe Godole: Po përdoret për fushatë

Përtej kësaj pike, të ftuarit e tjerë në studio, Blendi Çeka, Adri Nurellari, Iris Luarasi dhe Arbjan Mazniku shkëmbyen opinionet e tyre rreth të dhënave të sondazhit.

LEXONI GJITHASHTU: 

• Iris Luarasi: Fieri, i vetmi qark që ka mbështetje të madhe për Ramën
• Ylli Manjani evidenton dy problemet madhe të LSI në zgjedhjet e 25 prillit
• Politologu Nurellari: Strategjia elektorale e PS-së, mobilizimi i socialistëve
• Jonila Godole: Shifrat e të pavendosurve japin idenë për rritjen e PD-së
• Mazniku mbi sondazhin në Elbasan: Rama me 46.5% dhe Basha me 40% kanë kapur tavanin