“Barometrit Politik” zbulon prirjen e votës pas sondazhit të katërt

Sondazhi i katërt i Barometrit Politik në Euronews Albania tregoi se pëlqyeshmëria e qytetarëve mes Edi Ramës dhe Lulzim Bashës është me diferencë të ngushtë ku 47% shprehën opinion pozitiv për kryeministrin aktual dhe 44.4% për kryetarin e opozitës.

Lexo më shumë: Karrigia e kryeministrit, Rama dhe Basha në garë të ngushtë

Rezultati i sondazhit të katërt të kompanisë MRB për Euronews Albania për sa i përket prirjes së votës tregoi për një tjetër rritje të PD-së, mirëpo që nuk e përmbys diferencën me PS-në. Nëse do të votohej të dielën, PS do të kryesonte me 7.6% diferencë ndaj PD-së.

Lexo më shumë: 43%-PS, 35.4%-PD, si do të votonin shqiptarët nëse zgjedhjet do të mbaheshin të dielën

Nëse zgjedhjet e 25 prillit do të mbaheshin të dielën e ardhshme, sipas sondazhit, PS dhe PD do të merrnin pjesën dërrmuese të votave, pasi arrijnë gati në 90% në total. Krahasuar me zgjedhjet e vitit 2017, PD pritet të ketë rritje me 11.6 pikë përqindje, ndërsa PS me 0.7 pikë përqindjeje.

Lexo më shumë: Parashikimi i rezultatit të 25 prillit, ngushtohet hendeku mes PS dhe PD, LSI në rënie

Krahasuar me tre sondazhet e javëve të shkuara, PD ka pasur prirje në rritje nga 34.4% në 40.5% ndërsa PS nga 47.3% në 49%. Vihet re një rënie e LSI-së në pothuajse dyfish më pak mbështetje.

Lexo më shumë: Si ka ndryshuar mbështetja për partitë në 4 sondazhet e Barometrit Politik (Grafik)

Neritan Sejamini tha se rritja e pëlqyeshmërisë ndaj Bashës “është rezultat i fushatës së qetë, me program dhe shpresë të PD-së”. Sejamini tha se qasja në fushatë i ka sjellë pozitivitet elektoratit “pro” opozitës.

Lexo më shumë: Sejamini: Rritja e pëlqyeshmërisë, triumf i fushatës së qetë dhe pozitive të Bashës

Denar Biba nuk ishte plotësisht dakord me opinionin e Sejaminit. Ai tha se e shihte pozitën e Ramës “stabël” dhe rritjen e opozitës “të natyrshme”. Ish-kryetari i KQZ-së e konsideroi rritjen e Bashës rrjedhojë të “unifikimit të votuesve të opozitës, kryesisht të votuesve të LSI-së”.

Lexo më shumë: Biba: Votuesit e LSI-së shkojnë te PD sepse LSI s’mund të nxjerrë kryeministër

Pedagogia Jonila Godole e konsideroi “absurde” vijimin e qëndrueshmërisë së opinionit pozitiv ndaj kryeministrit aktual. Ndërsa pedagogia Iris Luarasi ra dakord me analizën se “PD-ja ka bërë fushatë të qetë”, mirëpo vuri në diskutim mundësinë e realizimit të programit. Ajo tha se fushatës i mungon debati dhe përballja mes kundërshtarëve.

Lexo më shumë: Godole: PS-ja në këtë fushatë ka risjellë premtimet e vjetra

Ish-ministri i Drejtësisë Ylli Manjani u shpreh se “Basha meriton kritikat për opozitën që ka bërë”, por është i ndryshëm “si nata me ditën nga Rama që është arrogant”.

Për ish-kryetarin e KQZ-së, Denar Biba, opozita aktuale nuk ka mundur të krijojë frymën që pati krijuar PS-ja në vitin 2013 kur bëri rotacionin politik. Sidoqoftë ai parashikoi që në këto zgjedhje të 25 prillit do të kenë rezultat të ngushtë.

Lexo më shumë: Biba: PD-së i mungon fryma për të thirrur elektoratin gri, por rezultati do jetë i ngushtë

Eksperti i çështjeve zgjedhore, Blendi Çeka e shihte “në ngecje” gjendjen e mbështetjes ndaj PS-së, teksa të dhënat në sondazh ndaj PD-së si “rritje spektakolare” krahasuar me vitin 2017, por “në tavanin e vitit 2013”.

Lexo më shumë: Analiza e Blendi Çekës: PD ka rritje spektakolare krahasuar me 2017, PS në stanjacion