Logoja e Twitter që përshkruan një zog blu, i cili u hoq nga ndërtesa e ish-selisë së kompanisë në San Francisko pasi Elon Musk bleu platformën dhe e quajti atë X, u shit në ankand për gati 35,000 dollarë, raportoi Associated Press .
Sipas agjencisë, RR Auction, e specializuar në sende të rralla dhe të koleksionueshme, deklaroi se shenja, me peshë 254 kilogramë dhe me përmasa 3.7 me 2.7 metra, u shit për 34,375 dollarë. Blerësi nuk është emëruar.
Musk më parë ka nxjerrë në ankand sende të tjera nga ish zyra e Twitter, duke përfshirë tabela, suvenire dhe mobilje.
Në ankand u shfaqën edhe sende të tjera të rëndësishme nga historia e teknologjisë. Një kompjuter Apple-1, së bashku me aksesorët e tij, u shit për 375,000 dollarë. Një çek nga Apple Computer Co. i nënshkruar nga Steve Jobs në 1976 arriti në 112,054 dollarë, ndërsa një iPhone i gjeneratës së parë me 4 GB memorie në paketimin e tij origjinal u shit për 87,514 dollarë.
LEXONI GJITHASHTU:
- Trump hedh poshtë pretendimet që Rusia refuzoi armëpushimin e Ukrainës
- Legjenda e boksit George Foreman, ndërron jetë në moshën 76 vjeçare