Londër|1.5 milionë persona në mbështetje të Palestinës, tubime edhe në Bruksel

Rreth 1 milion e gjysmë persona mbushën rrugët e Londrës për të kërkuar armëpushim në konfliktin Izrael-Palestinë. Policia angazhoi mbi 2 mijë oficerë për t’u siguruar që marshimi të ishte paqësor, pas një jave debatesh politike nëse protestat duhet të vazhdonin pavarësisht ditës kur Britania nderon të rënët në luftë.

Por policia londineze u përlesh me protestuesit e ekstremit të djathtë dhe arrestoi 82 persona. Autoritetet deklaruan se ata ishin pjesë e një grupi anti-protestë.

Në javët e fundit në Londër janë mbajtur protesta të shumta, me policinë që ka arrestuar qindra persona për mbështetje të organizatave të ndaluara dhe për nxitjen e urrejtjes.

Dhjetëra mijëra persona marshuan gjithashtu në Bruksel të shtunën, për të kërkuar armëpushimin e menjëhershëm të luftës. Në demonstratën paqësore ishin të pranishëm edhe gra e fëmijë.

Ndërkohë, në Francë mbahet një tubim kundër antisemitizmit, që ka përçarë klasën politike vendase. Presidenti Macron ka deklaruar se nuk do të marrë pjesë fizikisht në këtë manifestim, por do të jetë i pranishëm me mendjen e tij.

Kryeministrja Elisabeth Borne, babai i të cilës ishte hebre dhe i dëbuar, do të marrë pjesë, bashkë me ish-presidentët Sarkozy, Hollande dhe lideren e ekstremit të djtahtë, Marine Le Pen.

LEXONI GJITHASHTU:

• Basha takim me Lordin Richards në Londër: Folëm për luftën e SPAK ndaj korrupsionit
• Historiani shqiptar: Fjala “Londër” e ka origjinën nga Lundra