Lufta e gjigantëve: Elon Musk njofton një padi kundër Microsoft 

Pronari i rrjetit social Twitter, Elon Musk, ka kërcënuar sot se do të ngrejë padi kundër kompanisë Microsoft, pasi akuzoi gjigantin e teknologjisë për përdorimin e të dhënave të Twitter pa leje.

“Ata u trajnuan ilegalisht, duke përdorur të dhënat e Twitter. Është koha për të paditur”, shkroi Musk në Twitter, duke iu referuar përdorimit të aplikacionit Twitter nga Microsoft për të trajnuar programet e inteligjencës artificiale.

Musk e bëri deklaratën pasi Microsoft njoftoi se do të heqë Twitter nga platforma e saj e reklamave të korporatave.

Më herët, Microsoft njoftoi se platforma e saj e reklamave nuk do të mbështesë më Twitter nga e marta e javës së ardhshme, që do të thotë se blerësit e reklamave nuk do të jenë në gjendje të hyjnë në llogaritë e tyre Twitter përmes mjetit të menaxhimit të rrjetit social të Microsoft, sipas BBC.

Nga ana tjetër, Microsoft deklaroi se kanale të tjera si Facebook, Instagram dhe LinkedIn mbeten të disponueshme në platformën e tyre.

LEXONI GJITHASHTU:

• Elon Musk pritet të lëshojë raketën më të madhe ndonjëherë
• Elon Musk ngre alarmin për inteligjencën artificiale: Rrezik për njerëzimin