Lufta mund të ndalet vetëm përmes diplomacisë, thotë Zelenski

Presidenti ukrainas Volodimir Zelenski deklaroi se lufta në Ukrainë mund të zgjidhet vetëm përmes diplomacisë.

Në një deklaratë të tij për televizionin kombëtar, Zelenski u shpreh se Ukraina mund ta fitojë luftën kundër Rusisë, por shtoi se lufta mund të ndalet përfundimisht vetëm në ”tryezën e bisedimeve”, shkruan BBC.

Ndërkohë, luftime të ashpra po zhvillohen në dhe rreth qytetit Severodonetsk, ndërsa forcat ruse shtojnë përpjekjet për të vënë nën kontroll të gjithë rajonin e Luhanskut.

Ditën e djeshme, Rusia shpalli fitoren pas betejës disamujore për të pushtuar qytetin-port të Mariupolit, në Ukrainë.

Luftëtarët e fundit që mbronin impiantin Azovstal të qytetit tashmë janë dorëzuar, kanë bërë të ditur zyrtarë rusë.

LEXONI GJITHASHTU

• Çfarë po ndodh aktualisht me luftën në Ukrainë?
• Zelenski publikon videon ku ndërtesa në Ukrainë shkatërrohet nga raketa ruse