Lufta në Ukrainë, Putin: Nuk ndalojmë pa njohjen ligjore të Krimesë dhe Donbasit

Rusia do t’i ndalojë aktet armiqësore atëherë kur trupat ukrainase do të jenë tërhequr nga rajoni i Donbasit.

Kështu ka deklaruar presidenti Vladimir Putin, i cili ka theksuar se në rast të kundërt, Moska do t’i arrijë objektivat e saj me mjete ushtarake.

I cituar nga agjencia e lajmeve “Interfax”, presidenti rus ka theksuar se njohja ligjore dhe jo vetëm de fakto e gadishullit të Krimesë dhe rajonit të Donbasit është një “çështje kyçe”.

“Dhe kjo çështje kyçe do të diskutohet me një delegacion të administratës amerikane që javën e ardhshme do të vizitojë Moskën”, ka vijuar Putin.

Shefi i Kremlinit ka prekur edhe çështjen e aseteve të ngrira ruse në Evropë. “Përdorimi i tyre për përfitime nga Ukraina do të ishte një vjedhje”, ka thënë ai.

Në këtë aspekt, Putin ka shtuar se Rusia po përgatit një “paketë përgjigjesh”, e cila do të hyjë në fuqi nëse asetet do të përdoren.

LEXONI GJITHASHTU:

• Merz: Putin mund ta përfundoj luftën brenda pak minutash nëse do vërtet
• Erdogan bisedë telefonike me Putin, zbulohen diskutimet mes dy presidentëve