Lufta nuk ndalet, 60 bomba mbi Kherson në 24 orët e fundit

Rusia dhe Ukraina vazhdojnë përplasjet në vijën e frontit dhe në rajonet e pushtuara. Moska ka bombarduar zonën e re të çliruar të Khersonit mbi 60 herë, ndërsa një auto-bombë që la të plagosur 2 persona në qytetin e pushtuar të Melitopolit është konsideruar nga Kremlini si ‘akt terrorist’.

Ndërkohë, presidenti Zelenski, pas kthimit në Kiev, ka shprehur kënaqësinë e tij për rezultatet e vizitës në Uashington dhe ka deklaruar se do të intensifikojë përpjekjet diplomatike për të tërhequr më shumë vende në kauzën e tij, sidomos në Afrikë, Amerikën Latine dhe Azi.

Gjatë kësaj vizite, Dhoma amerikane e Përfaqësuesve miratoi një draft prej 1.7 trilionë dollarësh.

Nga ana e tij, presidenti Putin ka folur sërish për rritjen e përpjekjeve luftarake.

Ai tha se shpreson që plani i tij për prodhimin dhe furnizimin me armatime, trupa dhe pajisje speciale të implementohet tërësisht në vitin 2023.

LEXONI GJITHASHTU:

• Vendet e BE-së morën mbi 89 mijë kërkesa për azil në shtator
• Zjarr në shtëpinë e të moshuarve, të paktën 13 persona humbin jetën në Rusi
• Pse ndizet Veriu, Arifi: Albin Kurti dhe Vetëvendosja kanë gabuar rëndë