Shtëpia e Bardhë ka kritikuar ashpër presidentin brazilian Lula da Silva, i cili akuzoi Shtetet e Bashkuara se po inkurajojnë luftën në Ukrainë.
Reagimi i Uashingtonit përkoi me vizitën e ministrit të Jashtëm rus Sergei Lavrov, i cili falënderoi Brazilin për qëndrimin e tij.
Zëdhënësi i Këshillit për Sigurinë Kombëtare, John Kirby akuzoi Lula se është kthyer në papagall të propagandës ruso-kineze.
Duke reaguar ministri i Jashtëm brazilian, Mauro Vieira tha:
“Nuk e di se si apo përse zoti Kirby arriti në këtë përfundim, por mund të them se unë nuk bie aspak dakord me të”, tha Vieira.
Nga ana tjetër, ministri rus Lavrov, i cili vizitoi Brazilian ditën e hënë, falënderoi vendin latin për qëndrimin e tij.
“Ne i jemi mirënjohës miqve tanë brazilianë që e kanë kuptuar qartë thelbin e situatës. Gjithashtu, ne jemi mirënjohës për dëshirën e tyre për të kontribuuar në gjetjen e një zgjidhjeje”, u shpreh Sergey Lavrov, ministër i Jashtëm i Rusisë.
Brazili deri tani nuk u është bashkuar vendeve perëndimore në vendosjen e sanksioneve ndaj Rusisë dhe ka refuzuar kërkesat e vazhdueshme për të furnizuar Ukrainën me municione. Por nga ana tjetër, në vendin latin ka edhe nga ata që kritikojnë afrimitetin me Rusinë.
LEXONI GJITHASHTU:
- Presidentët e Kinës dhe Brazilit thellojnë lidhjet, pajtohen për Ukrainën
- E rëndë në Brazil! 25-vjeçari vret 4 fëmijë dhe plagos disa të tjerë
