Kreu i Partisë Demokratike Sali Berisha, mbajti këtë të hënë një deklaratë për media, ku nga selia e PD-së komentoi mungesën në publik të kryeministrit Rama gjatë ditëve të fundit.

Berisha në fjalën e tij tha se burime të besueshme i kanë kofirmuar se kryeministri Edi Rama “u zhduk me kërkesë të ambasadores Yuri Kim”.

Sipas Berishës kërkesa për të mos dal në publik i ka ardhur kryeministrit pas bërjes publike të çështjes McGonigal.

“Burime plotësisht të besueshëm më kanë informuar se në heshtjen e Edi Ramës një rol të veçantë ka luajtur guvernatorja Yuri Kim e cila i ka kërkuar të mos bëjë asnjë deklaratë. Po këto burime më thonë se deklarata qesharake e Edi Ramës për të përgënjeshtruar miqësinë me McGonigal, se e ka thënë se e ka mik në anglisht, ka qenë një këshillë e guvernatores”, tha Berisha.

LEXO GJITHASHTU:

• “Rama u sëmur nga gripi diplomatik”, Berisha: Afera me MC Gonigal e shëmtuar
• Meta pas takimit me Berishën: Është e qartë që do të shkojmë në rrugën e protestave